شعر حماسی مازندرانی از مدیر مسئول پایگاه خبری هزار سنگر

از اون روزی که انقلاب بهییه

امام خمینیِ عکس قاب بهییه

گدِ شیطونِ دس کِتا بهییه

وطنِ دِشمِن ، آمریکا بهییه

دیکه کسی وِره سِواری نِدا

اینجه نفت ره وِره مجانی ندا

ز بس دِزّی هکرده ، گو بخرده

سفارت تعطیل و پِشت ، لو بَخِرده

اِسا پیش هدائه ، وه خائنین ره

اَتی ترور هکرده مسئولین ره

وطن ره از تحریم ، لبریز هکرده

بورده صدامِ شاخِٓ تیز هکرده

هَش سالِ جنگ اَما خاکی ندامی

چه جوونای پاکی که ندامی

بدییه که صدام هم جا بزٌوئه

بیمو دورِ وطن پایگاه بزّوئه

اِسا انقلاب هم شه ریشه بیته

قوی بیّه و بهتر اندیشه بیته

محورِ مقاوِمت بیّه بِساد

یمن و دمشق و بیروت و بغداد

مرزِ جنگِ اَما سوریه بیّه

اسرائیل دشمنِ دیرینه بیّه

با تزویر برجام وه نرمِش هدا

با یک دستِ دیگه وه داعِش هدا

اَتی جنگ هاکردمی داعش جا

اَتی با تزویرایِ نرمشِ جا

دشمن بدییه که ، اَی هم نبونه

ایرانِ سر ، ونه پیش خَم نبونه

دِ بار با مذاکره بیمو جِلو

اَما دونسّمی وه گِنه دِرو

دیگه شه هست و نیست ره رو هکرده

شه ناو و جنگنده ره سو هکرده

بیموئه ماه روزه بزّو علی ره

اَمه رهبر آقا خامنه ای ره

ز چارده خاک ایران ره حمله بیّه

فکر هکرده اِسا برنده بیّه

اَمه مردم بیمونّه در خیابون

نا ترسی از موشک نا ترسی از جون

موشک‌های اَما با رمز حیدر

فتاح و شهاب و عماد و خیبر

بوین که چه جوری پیکار هکرده

وشونه روزگار ره تار هکرده

اَما با یزید سازش ، هرگز هرگز

آمریکای جا خواهش ، هرگز هرگز

خیابونا ره شو خالی نکمّی

شه ایرانِ پشتِ خالی نکمّی

اما خونخواهِ شه شهیدونمی

دعاگوی مردانِ میدونمی

اما دائم پای ایران اِسّامی

لشکرِ بیست و پنجِ کربلامی

✍️ عباس طهماسبی عمران